Que é VERSA
VERSA Asesores, S.L. dedícase desde 1998 a prestar os seus servizos como consultora integral de recursos humanos. Caracterizámonos pola atención personalizada ao cliente, o seguimento individualizado, a atención e coidado permanente dos aspectos que o cliente considera prioritarios, todo isto coa intención de cumprir cos máis altos estándares de calidade.
A experiencia adquirida durante estes anos na formación e capacitación de persoas para o correcto desenvolvemento das súas funcións na sociedade levounos a un esforzo continuo por mellorar as nosas prestacións, enfocando os labores de consultoría cara á xestión de sistemas de calidade, da formación ou empresarial, á medida das necesidades dos nosos clientes, tendo en conta:
- O control interno da organización
- Os puntos febles e fortes
- A xestión, organización e planificación de procesos
VERSA Asesores completa a súa actividade cunha área de traballo especializada no deseño, xestión e execución de proxectos de consultoría e asesoramento na procura de financiamento. Destacan, entre outros, interesantes proxectos de prevención de riscos laborais, calidade, medio ambiente, formación e novas tecnoloxías, que se levan a cabo coas máximas garantías de solvencia técnica.
Dende os seus inicios, VERSA Asesores S.L., procurou a integración á xestión o conxunto de principios e actuacións que se enmarcan dentro do ámbito da Responsabilidade Social Empresarial. Froito desta preocupación, VERSA Asesores, ven de presentar o seu primeiro Plan de Responsabilidade Social Empresarial para o periodo 2010-2013, instrumento que guiará a política de responsabilidade social da empresa nos vindeiros anos.
Fondo Social EuropeoIniciativa de Emprego Xuvenil
